اضحك انها الحياة

واحد دخل الحانوت الصباح (يا فاتاح)
قال للحوانتي عندك سكر؟
قالوا الحوانتي إإيه عندي
قالوا إنشالله لاباس...

 

قلك فما زوز بنات مشاو يعملو في entretien متع secrétariat , واحدة قنبلة بالزين و لخرى خايبة...عاد السيد إلي باش يعمل l'entretien قلهم راهو el poste ماعندو حتى دخل بالزين ...سأل المزيانة قالها , شكون بلد المليون شهيد , قتلوا l'algérie قالها bien ...سأل الخايبة : قالها سميهملي .

 

قالك فما واحد يحكي بي na ...طاح في بير ...بالصدفة متعدي واحد يحكي بي na كيفو ...قالو خويا إنطنعك ...قالو إييييه بجاه ربي طنعني طنعني ....قالو تعاير فيا, أيه والله لا طنعتك

 

فما معلم صور جرانة في tableau و سأل تلميذ قالو شنية هذي ...قالو سيدي هاكي جرانة ياخي عطاه شحطة و قالو لا هاكي ضفدعةٌ

...رجع التلميذ لبلاصتو قال لصاحبو غريبة واللهي تقول عليها جرانة .

 

واحد يسأل في صاحبو قالو حماتك حية ??? قالو لا عقرب ...قالو لا قصدي عايشة ...قالو لا علجية

 

واحد دخلتلو دودة إلخشمو سكنت غادي, مشا لطبيب, قالوا الطبيب اش تفطر كل صباح?, قالوا قهوة و gateau, قالوا نحي el gateau...

بعد 3 أيام تطبيق جا كي العادة يفطر الصباح طلت عليه الدودة قلتلو "تي وينو الداتو عاد"

 

فما عزوزة نقولو عمرها 70 سنة تلقى مصباح علاء الدين السحري.
كي هي جات تمسح فيه طلعلها الجني..
شبيك لبيك....
قلتلو نحب نولي صغيرة.
ردها عمرها 50 سنة
قالتو لا زيد صغرني
ردها 30 سنة
زيد...
18 سنة
زيد...
9 سنين جاتها الحصبة ماتت

 

أيا سيدي, قلك حرب قامت بين تونس و إيطاليا, إيطاليا كلاتلنا قلبنا. تونس مكسبها جرد صاروخ عابر للقارات قررت باش تبعثوا لطليان, معادش فيها ! عمك الجينرال ينزل ينزل ينزل علفلسة باش يسيب الصاروخ و هو ماحبش يخرج ! تلفت يلقى جيش كامل شاد في الصاروخ يحب يحرق لطالي

 

قلك يا سيدي بن سيدك
راجل بهيم واقف مع دودة في الشمس

علاش ??????????????????

خاطر الطبيب قالو أوقف في الشمس كل نهار دقايق معدودة

 

مرأة عجوز قاعدة عند صاحبتها قالتلها: " اقعدي تعشي عندنا "،قالت:لا خليني نمشي!! بنتي عاملة ريجيم و انا نحب نذوقو...

 

راجل كبير يتشحت في لواجيست باش يروح بيه للبلاد ... لواج déja complet و الراجل مكبش في الشوفور يرحم بوك يرحم والديك هزني حتى في المال فوق الزقف المهم نروح....تلفتشي un touriste قاعد لقدام متغشّش صاح على الشوفور وقالو:
- hey!let's go!
غزر الراجل لكبير للشوفور وقالو:
- ريت العرب قد اشنا مش متربين?الخير في الغاوري سخفوا حالي سكت سكت وقالك " هيا! lazzzgouh!"

 

فما مرا و راجل مغرومين برشة ب infromatique. عرسوا و جابو ولد سماوه: Nourdinateur

 

ثما واحد مستك على قوة جهدو يعدي في permi سئلوا l' exam. :كي يعرضك كلب قاص الكياس اش تعمل,قالو نبعد عليه,قالو أي برا روح و أرجع نهار الاربعاء الجاي,et bein idem ,عاود سئلوا سؤال نفسو ,قالو نزمر عليه,أي قالو أهبط و أرجع الاربعاء الجاي,كيف كيف و هما في الكرهبة قالوا كي يعرضك بهيم(حاشاكم) قاص الكياس اش تعمل,جاوبو صاحبنا:نهبط و نرجع الاربعاء الجاي

 

كلب شوارع حاشاكم مر من جنب مركز شرطة شاف كلب بوليسي حاشاكم قال آخ لو كملت تعليمي

 

قلك فما جماعة مساتيك خالطين يجريو على واحد لابس casquette...يجريو يجريو ياخي لاخر قلب él casquette عاد دار واحد من المساتيك ل صحابو قلهم "اقفوا اقفوا هاو جاي"

 

ثمه بنية ديما تعاكس في الناس بالتلفون...
نهار طاحت في شايب. كهز عليها قاتلو آلو.. انا ميساء من جربة...
قالها بنيتي انا مايس مل العالم الكل...

 

معلم سأل غبي : الثعلب يبيض ولا يولد ؟


قال : والله الثعلب مكار ، كل شي يعملوا

 

قائد الطائرة: آلو، برج المراقبة هل تسمعني؟
برج المراقبة: نعم كابتن، نسمعك بكل وضوح.
قائد الطائرة: ثقب في خزان البزين وراه فراغ و نحن على إرتفاع 10 الاف قدم، اش نعملوا؟
سكت اللاسلكي لحظات.. ثم:
برج المراقبة: كابتن، هل تسمعني؟
قائد الطائرة: نعم، بكل وضوح.
برج المراقبة: Ok، قول ورايا " أشهد أن لا إله إلا الله، و أن محمدا عبده ورسوله

 

واحد أحول مشى يعدي في عام جيش... حتوه في سرفيس القصف العشواءي....

 

مجموعة مزطولين قاعدين يتكيفو ، داهمتهم الشرطة
عملوا رواحهم يصليو وكانت بجنبهم نار، قاللهم البوليسي فاش تعملو؟
قالواقاعدين نصليو ، قال
والنار هذه علاش؟ ، قالو النار هذه للي ما ميصليش