استشارة لابطال الكونغ فو

السلام عليكم انا مصاب بمرض الربو واريد ان اماس رياضة الكونغ فو فهل هناك مخطار على صحتي

 

يا أخي أسأل طبيب
و نصيحة ما تعتمدش على حد في النت في الموضوع دا

 

وانا اؤيد انه يجب ان تسال طبيب
ولكن حسب معلوماتي يجب على مريض الربو ان يمارس رياضة غير عنيفة جدا ويبدا بالتدريب خطوه خطوه

 

ارجو ان تستشير طبيب كما قال لك احبائى فى الله كوتش خالد وكوتش هيثم

 

عادي ممارسه الكنغ فو بيعتبرها الاطباء علاج او تقويه للشعب الهوائيه ولكن لازم بالتدريج
لأن التدريج لازم حتي مع الاصحاء

انا سألت في الموضوع ده
وانا ربنا يشفينا جميعا عندي بردو الربو وسالت الدكتور اللي بتعالج عنده .

 

فى البداية
1
(مرحلة التاهيل النفسى)
يجب ان يكون لاعب الكونغ فو مؤهل نفسيا لكى يصبح لاعب كونغ فو
بالمعنى الصحيح انه يكون حابب اللعبه مش مجرد انه سمع عنها وعاوز يلعب
يعنى لازم يكون عنده اصرار وعزيمه على انه يجهد نفسه اكتر فى التمرين
علشان يوصل للمستوى اللى هو عاوزة
وعلشان تساعد نفسك فى كده
لازم يكون ليك مثل اعلى فى الكونغ فو
وتعرف عنها كتير
واعرف ان اللعبه اخلاق قبل ما تكون رياضه
وبجد كون متاكد ان الجسم البشرى ممكن يعمل اى حاجه
طالما انه خضع للتمارين المناسبه التى تؤهله لكى يصبح لاعب كونغ فو
انا مثلا مثلى الاعلى فى هذه اللعبه
هو
اللاعب الجميل جيتلى
واللى حبيت اكتر انى اكون شكله هو مدربى الكابتن عصام
اللى بذل مجهود كبير جدا معايا علشان اوصل للى انا فى دلوقتى الحمد لله

2

التمهيد البدنى
مرحله التمهيد البدنى تعتبر اساس اللعبه
والا هيبقى ازاى تقدر تلعب وانته اصلا جسمك مش مؤهل
وعلى فكرة ياجماعه الموضوع ده مش بيجى فى يوم وليله
مش معنى كده انه بطىء لا اثار التدريب هتظهر عليك وهتحس فعلا انك بتلعب كونغ فو
بعد حوالى اربع شهور بس من بدايتك للعبه على شرط الاصرار والعزيمه
وهتلاقى نفسك بتحب التمارين الصعبه
اللى مكنتش تتخيلى انك ممكن تقدر تعملها
بجد لو انته حابب الموضوع او انتى حابه الموضوع ممكن وسهل اوى انكوا تكونوا ابطال

3

بعض التمارين اللى تساعدك على بنايه جسمك
(1)

تمارين الضغط المعروفه
العاديه وبيتهيالى كلنا نعرفها وان شاء الله هنزلكوا صور وفيديو قريب جدا ليها وطريقه عملها
واهم حاجه مرحله الثبات
لان تمارين الثبات تعتبر من اهم التمارين اللى ليها اثر كبير جدا فى الكونغ فو

(2)


تمارين الجرى العادى وجرى السرعه ياجماعه مؤثر جدا فى الموضوع ده
واهم مرحله فيه انك تضغط على نفسك وتجرى وانته فى اشد اوقات التعب
ده بيجيب نتيجه كبيرة جدا
هتحس لبعض الوقت انك مش قادر تمشى على رجليك
وانك خلاص مش عاوز تروح التمرين تانى
وهنا لازم تقاوم نفسك وافتكر الناس اللى وصلت

(3)

تمارين البطن
اللى كلنا عرفينها
بس بردة الثبات هو اللى بيجيب نتيجه كبيرة وسريعه
يعنى ممكن وانته بتعمل تمرين البطن تثبت جسمك على مايقرب من خمس سم بينك
وبين الارض
وتكون الايدين فى وضع ثابت على البطن
هتستفيد جدا من التمرين ده

(4)

تمارين تقويه الاصابع والاعصاب
زى مثلا انك تلعب ضغط على صوابعبك
وتكون رجليك فى وضع عالى
مش مهم العدد هيزيد مع الوقت وممارسه التمرين بس نتيجته جميله

غير كده ممكن تمسك بايديك عصا اسطوانيه
بحيث تكون ايديك فى اتجاهين معكوسين وتبدا تلف العصايه دى بالساعد بس

(5)

تمارين الثبات على مشط الرجل
والقفر على القرفصاء
وان شاء الله الصور والفيديو اللى هينزل هيساعدكوا على كل ده

والله المستعان

 

السلام عليكم ورحمة الله وبركاته

اخى الكريم العضو مبتدىء فى الفنون القتاليه ادعو لك من كل قلبى بالشفاء وتمام الصحه والعافيه ولا تحزن هذا اختبار من الله عز وجل فاصمد ولا تيأس شفاك الله .

بالنسبه لسؤالك هل تستطيع ان تمارس فنون ووشو كونج فو وانت مصاب ؟

والاجابه مكونه ان شاء الله تعالى من شقين

الشق الاول : ان تذهب الى طبيبك الذى يتابع معك الحاله وتستشيره عن عدم تأهلك او هل انت مؤهل لممارسه فنون ووشو كونج فو ام لا وتشرح له بكل امانه .
الشق الثانى : انصحك ايضا ان تقرا قليلا عن فنون تاى شى وهى من ضمن فنون ووشو كونج فو وتنقل معلوماتك الى طبيبك الخاص فى حاله ان رفض ان الطبيب ممارستك لفنون اخرى للووشو كونج فو ....

وفى النهايه اللهم اشفى امراضنا وامراض المسلمين جميعا واجعل ما نحن فيه تبييض لصفحات كتاب ذنوبنا .