شوية رخامة ؟؟؟

هذا النقاش في 'الواحة' بدأه rooney، ‏23 أبريل 2009.

  1. rooney

    rooney عضو جديد

    في أسئلة بديهية مالهاش اي لزمة في الدنيا
    بنتعرّض ليها كل يوم من كل الناس


    خلونا نشوف أمثلة


    ***********
    إنت في أوضتك .. على السرير وطافي النور ومتغطي
    ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟


    (( أظن ده مش وضع الرقص !!! واضح ان انا هنام ))


    ***********
    انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتواااااااااااااااا ؟


    (( لا لسه ))
    ***********
    والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه


    (( !!! لاء دانا لسه راجع ))


    **********
    أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
    يقولك : انت رايح الشغل يابيه ؟


    (( لا.. العربية واحشاني ))


    ***********
    مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
    (( لا.. بتفرّج عليه ))


    ***********
    مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
    (( تقوم رامي الكتاب و تقوله لااااااااء ))


    ***********
    ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟


    (( لاء.. هفرطها و أسلقها ))
    ***********
    ولاّ تعالو شوفو قنواتنا واسئلتهم البديهية البايخة
    برنامج اهداءات يتصل واحد يطلب أغنيه
    ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟


    (( لاء.. طالبها اخنق على نفسي ))


    ***********
    أو مثلا في العيد


    المذيع : هههههه هههههههه هههههه نتعرّف بيك
    المواطن : فلان الفلاني
    المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
    المواطن : أقولهم كل عام وأنتم بخير


    (( أكيد يعني مش هيقولهم البقاء لله ))


    ***********
    ,,,المذيعة الظريفة : وياترى بقى هتعملوا ايه العيد ده هتقضوه ازاي ؟
    أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين


    (( سبتيله ايه يقوله يارخمة ؟ ))


    ***********
    والأسخف بقى ... الشلل الكبير.. لما المذيعين يكلّموا الاطفال
    يقول المذيع للطفل : إنت بتحب ماما وبابا ؟
    (( يعني أساسي الواد لسه ما طلعلوش عرق الندالة علشان يقول لأ ))
    بصراحة ملطوش
     
  2. هههههههههههههههه
    صحيح روني هذا الأسئلة ترفع ضغطي
    خصوصن يوم أجي من برا يقلولي أنت جيت
    يرتفع ضغطي وأقولهم لا رحت
    :busted_red:
     
  3. mohamedali

    mohamedali مشرف عام

    ههههههههههههههههه

    جامده بجد
     
  4. rooney

    rooney عضو جديد

    شكرا ليكم علي مروركم وحلوة يا سيفو دي مش موجودة في الاسئلة
    :showoff::showoff::showoff::showoff:
     
  5. عاشق الجودو

    عاشق الجودو عضو شرف

    ههههههههههه
    مشكوووووووور
     
  6. Haitham sadoon

    Haitham sadoon مشرف

    شكرا على هذا الموضوع وخفة دمه
     
  7. rooney

    rooney عضو جديد

    شكر ليكم عي المرور كابتن وسيم وكابتن هيثم
    :showoff::showoff::showoff:
     
  8. أبو نورالدين

    أبو نورالدين عضو نشط

    السلام عليكم ورحمة الله وبركاته​


    بجد بجد مشكوووووووووووووووووووووووور​



    والسلام عليكم ورحمة الله وبركاته​
     
  9. rooney

    rooney عضو جديد

    شكرا ليك علي مرورك الجيمل كابتن ابو النور
     
  10. Faten

    Faten مشرف

    هههههههههههههههههههه
    موضوع حلو ومسلي كثير
    مشكول يا كابتن
     
  11. rooney

    rooney عضو جديد

    شكراليكي اسنة فاتن علي تشريف الموضوع
     

شارك هذه الصفحة