1. تنويه:
    تم إيقاف التسجيل في المنتدى مؤقتا، للتواصل أو طلب الانضمام للمنتدى، نرجو التواصل معنا.
    الأعضاء السابقون ما يزال بإمكانهم تسجيل الدخول.

اضرار لعبة كمال الاجسام؟؟؟؟؟؟

هذا النقاش في 'بناء الأجسام ورفع الأثقال Bodybulding' بدأه rooney، ‏22 أبريل 2009.

  1. rooney

    rooney عضو جديد

    السلام عليكم
    الموضوع منقول للنقاش
    نخش في الموضوع الجديد بقه والي هو بعنون امراض كمال الاجسام...
    طبعا لو كتبت علي جوجل وكتبت فوائد رياضة كمال الاجسام هيديلك حجات كتير اووووي وفيه ناس كتير في المنتدى كتبين علي فوائد اللعبه مواضيع كتير اوي اوي بس هل قريت مره عن امراض كمال الاجسام؟؟؟؟

    طبعا فيو ناس هتقرا العنوان وتقول اية التخريف دةولكن فية امراض وانشاء اللة نتعالج منها
    اول شيء انواع امراض كمال الاجسام:

    1- مرض عند كل الناس الي بتعلب حديد وهو ((( المراااايه )))
    2- الحسد ((الحقد والغل))
    3- التظاهر امام الناس باللعبه
    4- الغرورررهنتكلم علي كل مرض من الامراض ديه بأيجاز زي ما اتعودنا والله المستعان:-
    1- المراااايه
    طبعا المرايه من اهم العادات الي بتلزق للاعب الحديد بمجرد ما يخش الصاله علقته بتبقه بالمرايه علاقه حميمه جداا وورايح يبص للمرايه وهو جاي برده مع المراايه ويبدا يتابع جسمه مش يوم بيوم لا لحظه بلحظه لازم يبفضل يبص علي نفسه طبعا ده موضوع عند ناس كتير اوي يمكن كلنا فينا الموضوع ده طبعا ده بيرجع لان اللعبه لعبه استعراضيه بس فيه ناس بيتحول معاهم الموضوع لمرض ازاي بقه؟؟؟

    واحد يخش يشوف نفسه في المرايه الصبح يقول ياه ما شاء الله انا زدت ولا ايه علي اخر النهار يلاقي نفسه قل يقولك ياه انا خسيت بعد ساعتين يبص يلاقي نفسه زاد ياه انا زدت شويه ويخس ويفضل الوهم يلعب في راسه ويتعب نفسيا وممكن ميتمرنش تاني وهو ولا زاد ولا قل وطبعا كلها اوهام في اوهام ... طبعا معظمنا كده ((متبصش جمبك ايوه انته كنت كده وانا كنت كده فيه ناس بتفهم الموضوع وفيه ناس الموضوع ده بيزيد عندهم وبيتعبهم نفسيا بس ارجع واقول المرايه صديقة لاعب كمال الاجسام)) بدليل شوفتوا بتوع ميلودي تتحدى الملل شافوا المرايه ايه الي حصلهم خلاص لاعب الحديد علي علاقه حميمه مع المرايه وديه مشكله اعتقد ملهاش حل ههههههههههههه
    2-الحسد:-
    معروف في اي صالة جيم وانا قولت الكلام ده كتير فيه ظاهره منتشره اوي اوي يمكن اكتر مكان في الدنيا ممكن تسمع كلمة حسد فيه كله في صالة الجيم بيخاف من الحسد سواء الي عامل فره او الي مش عامل كله بيخاف من الحسد لا وايه الحسد في الجيم بيبقه ولو بنظره بدون قصد ممكن لاعب يتخانق معاك علي شان بصيت عليه وهو بيتمرن والله وبيحصل ويامه سلكنا خناقات كتير في الجيم بسبب الحسد وانا نبهت كتيير اوي في موضوع ملاحظات علي موضوع الحسد وازاي تجنب نفسك منه علي شان المبتدئين بالزات الي ميعرفوش جو الصالات ايه .
    فيه ناس في الجسم ممكن تحسد بدون قصد انته معجب بالعضله او باللاعب وهو بيلعب تحسده بدون ما تشعر وفيه ناس بقه الحسد(الغل والحقد بقه) بيبقوا ريحين الجيم مخصوص علي شان يتفرجوا ويحسدوا في اللاعبين يقولك: ((ازاي ده جي بعدينا بكتير شوف بقه عامل ازاي واحنا بقالنا اد ايه بنلعب زي ما احنا ويفضل يحسد فيه)) دول بقه الناس الي فعلا بقوا مرضى بالحسد والحقد والغل وملبيييييييييييييييييين النوادي واللاعبين القدام والي بيقروا الكلم ده فهمين كويس اوي اوي الموضوع ده وديه بعتبرها من الامراض اايون امراااااض القلب وديه منتشره في الصالات وربنا يبعدنا عنهم ياااااااااااارب


    (ملحوظه).. انا بخاف من الحسد ياجماعه كل الي يقرا الموضوع ووصل للسطر ده يصلي علي النبي علي شان ربنا يكرمنا كده ههههههههههههههههههههههههههه مش قصدي حد عينه وحشه ولا حاجه هههههههههههههه عاش يا ابطااال

    3-التظاهر امام الناس باللعبه:-
    برده هنقول ونكرر اللعبه لعبه استعارضيه بس في سؤال ملح عليه عايز اسأله لكل واحد انته بتلعب اللعبه ديه ليه؟؟؟

    بلعب اللعبه ديه لله ثم علي شان اللبس بضيهات بقه واروش
    واحد تاني يقولك بلعبها لله ثم علي شان صحتي
    واحد تالت يقولك علي شان الي يكلمني اقتله
    والي يقولك ادينا بنضيع وقت

    فيه ناس بقه بتلعب اللعبه ديه علي شان تمظهر علي الناس تلاقيه طول مهه ماشي شادد المجنس وشادد وضع واحد استعداد ههههههههههههههههههههههههه والكل فاهمني الناس الي دخلت بطولات عرفه ايه هو وضع استعداد1 وتلاقيه ياخويه ماشي يا ارض اتهدي ويبص للناس بأحتقار كده زي ما يكون احنا مخلوقات فضائيه ولا ايه ودول الي جالهم مرض التظاهر في اللعبه ودول مشكلتهم رخمه اوي والله وليه اصحابي كتير فيهم الموضوع البااايخ ده اه احنا بنلبس بضيهات وبنظهر اننا بنلعب بس انا مش بمسي اقول للرايح والي جاي ايه رايك في جسمي انا بمشي بطبيعتي عادي وكلنا كده بس فيه ناس كده الحديد والعضلات بتجننهم وبيجلهم الموضوع ده

    4- الغرور:-
    وده طبعا كلنا عرفينه واحد قبل ما يلعب حديد يبقه قرب يختفي يلعب وربنا يكرمه ويشد تلاقيه بقه اهتم بأستيله ونفض لاصحابه وظبط مع الشباب الاجسام الي زيه وبقه مهم بقه(الله يرحم)
    ويحسسك بقه انه مهم والبنات هتموت عليه ومين دول الي اقف معاهم(بس بامانه قليلن الي عندهم الموضوع ده بس فيه موجودين يعني)
    وده علي فكره مبيعمرش في اللعبه كتير بيبقه بيلعب لهدف الفشخره الكداابه ومش بيعمر في اللعبه كتير والناس كلها بتكرهه ومش بيبقه لصه اصحاب ولا احباب كتيير وده بعتبره مرض برده من امراض اللعبه

    طيب احنا استعرضنا امراض اللعبه فيه منهم الي صعب التخلص منه زي المرايه بس فيه حل انته لو خبيت جسمك عن المرايه خالص لمدة شهر مثلا وشوفته في المرايه هتلاقي تغيير في جسمك اكيد وهتلاحظه وحاول انك تجرب الموضوع ده وهتشوف انما ديما مع المرايه مش هينفع ولا هتشوف اي تغيير ولا اي حاجه وممكن تتخنق من اللعبه ....


    وموضوع الحسد هقول ايه واعيد ايه ربنا يبعدنا عنهم وحاول كل مره تيجي تلبع في اول رفعه((بسم الله الله اكبر)) وترفع بعد ما تخلص الحمدلله وحاول تخلي القراءن ديما في لسانك وانته بتتمرن ده الحل الوحيد لموضوع الحسد ده علي شان بصراحه الحسد مش بس ممكن ياثر علي الجسم لا ممكن يازيك كمان يعني انا بلعب ترابيس مره والله العظيم ده حصل المهم ماسك الدمبزين ال50 و50 وبلعب ولابس الفنله الكت بتعتي وواقف المدرب بتاع النادي صحبي بيبقولي تاني يامحمود الفنله ديه يبني اللبس بكم قلتله ياكوتش الجو حر خلصت لعب وبحط الدنابلز علي الاستند وواحد حاطط الدبملز ال45 علي الطرف بزقه كده راح مقلوب علي رجلي مش عايز اقولكم انا بقيت الف الصاله جري من الوجع في ساعتها ويه فيه بتاع حوال 6 واقفين بيتفرجوا بس عليه وانا بتمرن ومش عايز اكسف حد ماعلينا الحمدلله علي كل حال المهم نتبع المعلومات ديه وربنا يبعد عننا الوحش يارب ....
     
  2. Haitham sadoon

    Haitham sadoon مشرف

    والله كلامك صحيح مشكور على الموضوع اللطيف مخصوصا موضوع المراية مع العلم ان في كثر من الالعاب القتاليه تحتاج الى المرايه ولكن لا يستعملوها مثل كمال الاجسام
     
  3. mohamedali

    mohamedali مشرف عام

    جزاك الله خيرا اخى الفاضل على موضوعك المميز والمفيد
     
  4. عاشق الجودو

    عاشق الجودو عضو شرف

    موضوع جميل
    لاكن بعض الصفات قد لاتظهر أغلب الناس
    شكرا لك

    تحياتي
    ك عاشق الجودو
     
  5. rooney

    rooney عضو جديد

    شكرا ليكم علي مروركم الجميل وتشريفكم للموضوع
    :showoff::showoff::showoff::showoff:
     
  6. abed.s

    abed.s عضو جديد

    موضوع دمه خفيف ولطيف ..........شكرا:clap:
     
  7. rooney

    rooney عضو جديد

    شكرا ليك علي مرورك الجميل
     
  8. كاراتيه

    كاراتيه عضو جديد

    موضوع جامد وأنا مع حضرتك في موضو المرايا
    والحسد موجود طبعا
    وربنا يهدينا جميعا
    :clap:
     
  9. د/ أحمد

    د/ أحمد عضو جديد

    ما ذكرته في الموضوع صحيح فعلا لكنه يختلف من ناس لناس
    والافضل ان يكون هناك هدف سامي للعب اي لعبة رياضيه
    مشكور اخي على الموضوع
     
  10. rooney

    rooney عضو جديد

    شكرا ليك داحمد علي المرور الجميل
     
  11. moh 29

    moh 29 عضو جديد

    موضوع في منتهى الروعة بارك الله فيك وربنا يبعد عنا الحسد والتفاخر لنا وللجميع يارب
     
  12. love_you_2010

    love_you_2010 عضو جديد

    والله رائع يا اخي بارك الله فيك واثابك واثابنا
     
  13. اتمنى الجنه

    اتمنى الجنه عضو جديد

    ههههههههههههههه
    والله موضوع صحيح انا شفتهم
    الله يضحك سنك مثل ما اضحكتني
    بس متى بطالع في المرايه ههههههه
     
  14. mgm

    mgm عضو جديد

    انا معاك بس اللى انتا بتكلم عليه ده مش لاعب ولا بطل ده بطل شوارع
    والايمان والتواضع هم الطريقلعكس ذلك
     
  15. rooney

    rooney عضو جديد

    مشكورين يا جماعة علي مروركم الجميل
     
  16. abdelali570

    abdelali570 عضو جديد

    :bigsmile::bigsmile::bigsmile::bigsmile::bigsmile::bigsmile::bigsmile:
     
  17. الشرس

    الشرس عضو جديد

  18. thewarrior

    thewarrior عضو جديد

  19. jehad kawasme

    jehad kawasme عضو

    مشكورررررررر عالموضوع الجميل
     
  20. بطل الشوارع

    بطل الشوارع عضو جديد

    مشكـــــــــــور يا مان بصراحة موضوع المراية اكيد
    كيف الواحد يتخلص منها وهل هي توادي الى لامرض
    بصراحة صديقى يشوف للمراية كثير وياريت في النادي بس في البيت لادرجة ان اخوتة يخبوا علية المراية يقولوا راح0 تصاب با المس
    كيف يتخلص من هذا الشي
     

شارك هذه الصفحة