خطاب الريس للشعب

هذا النقاش في 'المنتدى العام' بدأه MR.ATAMESH، ‏26 يناير 2009.

  1. MR.ATAMESH

    MR.ATAMESH عضو جديد

    يا شعبى يا روحى يا حبيبى يا حاطك فى جيبى يا ابن الحلال



    يا شعبى يا شاطر يا جابر خواطر يا ساكن مقابر وصابر وعال



    يا واكل سمومك يا بايع هدومك يا حامل همومك وشايل جبال



    يا شعبى اللى نايم وسارح وهايم وفى الفقر عايم وحالة دا حال



    احبك محشش مفرفش مطنش ودايخ مدروخ واخر انسطال



    احبك مكبر دماغك مخدر ممشى امورك كدة باتكال



    واحب اللى ينصب واحب اللى يكدب واحب اللى ينهب ويسرق تلال



    واحب الللى شايف وعارف وخايف وبالع لسانة وكاتم ما قال



    واحب اللى قافل عيونة المغفل واحب البهايم واحب البغال



    واحب اللى راضى واحب اللى فاضى واحب اللى عايز يربى العيال



    واحب اللى يائس واحب اللى بائس واحب اللى محبط وشايف محال



    واحبك تسافر وتبعد تهاجر وتبعت فلوسك دولار او ريال



    واحبك تطبل تهلل تهبل عشان ماتش كورة وفيلم ومقال



    واحبك تأيد تعضد تمجد توافق تنافق وتلحس نعال



    تحضر نشادر تجمع كوادر تلمع تقمع تظبط مجال



    لكن لو تفكر تخطط تقرر تشغللى مخك وتفتح جدال



    وتبدأ تشاكل وتعمل وتنكش مسائل وتسأل سؤال



    وعايز تنور وعايز تطور وتعمللى روحك مفرد رجال



    ساعتها هاجيبك..لا يمكن اسيبك وراح تبقى عبرة وتصبح مثال



    هابهدل جنابك واذل اللى جابك وهيكون عذابك دا فوق الاحتمال



    وامرمط سعادتك واهزأسيادتك واخللى كرامتك فى حالة هزال



    وتلبس قضية وتصبح رزية وباقى حياتك تعيش فى انعزال



    هتقبل هاحبك..هترفض هلبك هتطلع هتنزل هاجيبلك جماااال​

    [​IMG]
     
  2. Wild Shaolin

    Wild Shaolin عضو جديد

    هذا خطاب من كل الحكام العرب لكل الشعب العربي ..
     
  3. mohamedali

    mohamedali مشرف عام

    ههههههههههه

    خطاب جامد جدا شكرا اخى الفاضل
     
  4. عاشق الجودو

    عاشق الجودو عضو شرف

    مشكوووووور اخي الفاضل
     
  5. Ahmed

    Ahmed واحد من الناس

    لا أدري هل أضحك أم أبكي
    للأسف هذا واقعنا وواقع جميع الحكام العرب أصلحهم الله أو أزالهم جميعا
     

شارك هذه الصفحة