ايوه يا خلق حمير

بقلم الاستاذ خالد جمـــــــــــــــــــال الشاعر
===================

ايوه حمير ....عايشين فوق التلاتين سنه
ولا الطراطير
ايوه حمير....علشان كلنا كنا فاكرينو
يا خلق ..كبير
حرق قلبنا ومص في دمنا
ولا مره قولنا يا ناس
داا كتير
ربك عالم بالمظالم واللي في يوم
كان قاسي وظالم
ولا شغل باله علينا
حتي بالتفكير
ايوه حمير
عارفين ليه...علشان كنا بتخبط راسنا
في اتخن حيط....ونقول عالعاقل دا *****
والله ....مابين المجنون والعاقل فتله خيط
وادي كلو بيتنطط طنطيط
ايوه بقولها ومش مكسوف
اتخن شنب فينا كان عايش
بالعافيه خروف
رافع قرنو وساحب ليتو
لاّ ومداري وشو
قال ايه من الخوف
كنا زي التور بيدور في سواقي
حتي مرتب 30 يوم
بين يوم والتاني
دا مالهوش باقي
تيجي نحسبها
احنا في بادئ القول
كنا حمير
حبه في حبه بقينا خرفان
وناهينا بالتور في الساقيه
تفتكروا جايز تخريف
بس ال انا عارفه ومتاكد
ان احنا يا خلق غلابه
ممكن نبقا حمير اه
بس لا يمكن نبقا ديابا​

 

موضوع مميز يا كابتن علي، وبالفعل، نفضل أن نكون مظلومين على أن نكون ظالمين، لكن بإمكاننا محاربة الظلم عن طريق عدم السكوت، وعن طريق الأمر بالمعروف و النهي عن المنكر، فإذا تركنا ذلك، كنا نستحق أن ننظلم، وأن يستخف بنا الجاهل والظالم والفاسد.
قال أبو الأحرار الزبيري رحمه الله:
والشعب لو كان حيا ما استخف به *** فرد ولا عاث فيه الظالم النهم.

وكل عام وأنت بخير والدنا الفاضل.

 

يارب يبارك فيك حبيبي استــــــــــــــــــــــــاذ احمـــــــــــــــــــــــــد نورتنى وشرفتنى واضافتك وسام على صدرى
وكل عام وانتم بصحه وسعاده والى الله اقرب ونتقابل سويا على عرفات